شطَّبنا

التاريخ 23 مايو 2012 .. أول يومي الانتخابات الرئاسية في مصر بعد الثورة

- تصحى من النوم حوالي الساعة 6 م
- تسمع كلام إيجابي عن مدى النظام و الاحترام و الروقان في اللجنة اللي المفروض تنتخب فيها
- تسمع في التليفزيون إن فترة الانتخاب اتمدت لحد الساعة 9 م
- يعود الأمل من جديد إنك تروح تنتخب النهارده ، بدل ما تضيع اليوم بُكْرَه
- بعد المغرب تتلحلح و تشق طريقك للجنة
- توصل تلاقي طابور (مش طويل قوي ولا حاجة) و تقف في آخره
- بعد كام دقيقة تسمع ناس بتتخانق على باب المدرسة المقفول .. و إنت مش فاهم ليه
- تبدأ الأجواء الثورية التظاهرية تسيطر على المكان لما تسمع الناس بتنادي:"عايزين القاضي .. عايزين القاضي"
- تروح تصلي العشاء لحد ما نفهم إيه اللي هيحصل
- ترجع المدرسة تلاقيهم كسروا بابها عشان عايزين ينتخبوا!
- تعرف إن القاضي شمع الصناديق الساعة 8:05 م ، و مكانش عنده علم بمد فترة الانتخاب
- تلاقي الناس قلبت معاهم عند و هننتخب يعني هننتخب
- تشم ريحة (تصعيد) بدون أي داعي
- تتوكل على الله و تخلع ... و عندك بكره 12 ساعة تيجي في الوقت اللي يريحك