Dec 22, 2012

إحننا بننصر مين ؟


في تعليق كنت كاتبه يوم 10 نوفمبر ، بعد جمعة تطبيق الشريعة التانية .. اللي أعلنت بعض القوى الإسلامية
(حزب النور ،، الهيئة الشرعية للحقوق والإصلاح ،، حزب الحرية و العدالة)
عدم الاشتراك فيها ..
و بالرغم كده الميدان كان فيه ناس عندها نفس الطلب ..


و قبل الأمانة (التقيلة) بتاعت الاستفتاء على الدستور ...
-محسوبك مرحلة تانية-
لقيت إن الكلام ده لازم يفتكره دلوقتي كل مسلم ...
و تبقى هي دي قضيته و شغله الشاغل ...

(( الامتثال لأوامر الله ، و السعي في سبيل رضاه ))

و الكلام ده مش شعارات ...
و لكنه ما وَقَرَ في القلب ...
و صَدَّقَهُ العمل

واخدين بالكم يا إخوة ...
(( ما وَقَرَ في القلب ))

يعني ولا أنا ولا أي تاني حد يقدر يطَّلِعْ عليه ...
ربنا سبحانه و تعالى -و مش حد تاني- هو الوحيد اللي عارف اللي في قلبك ، و هيحاسبك عليه ...

عشان كده :: لازم كل واحد فينا يراجع توحيده ..
و يسأل ربنا إنه يوفقه لما فيه رضاه ...
و إنه يعصمه من التعصب و الاتباع الأعمى ...

.:: سواء في استفتاء ، أو مفيش ::.
.:: سواء هتقول نعم ، أو هتقول لا::.
.:: سواء هتروح الاستفتاء ، أو مش ناوي تروح أساساً ::.





قال تعالى:
  • أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُواْ بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ وَيُرِيدُ الشَّيْطَانُ أَن يُضِلَّهُمْ ضَلالاً بَعِيدًا
  • وَإِذَا قِيلَ لَهُمْ تَعَالَوْا إِلَى مَا أَنزَلَ اللَّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا
  • فَكَيْفَ إِذَا أَصَابَتْهُم مُّصِيبَةٌ بِمَا قَدَّمَتْ أَيْدِيهِمْ ثُمَّ جَاؤُوكَ يَحْلِفُونَ بِاللَّهِ إِنْ أَرَدْنَا إِلاَّ إِحْسَانًا وَتَوْفِيقًا
  • أُوْلَئِكَ الَّذِينَ يَعْلَمُ اللَّهُ مَا فِي قُلُوبِهِمْ فَأَعْرِضْ عَنْهُمْ وَعِظْهُمْ وَقُل لَّهُمْ فِي أَنفُسِهِمْ قَوْلاً بَلِيغًا
  • وَمَا أَرْسَلْنَا مِن رَّسُولٍ إِلاَّ لِيُطَاعَ بِإِذْنِ اللَّهِ وَلَوْ أَنَّهُمْ إِذ ظَّلَمُواْ أَنفُسَهُمْ جَاؤُوكَ فَاسْتَغْفَرُواْ اللَّهَ وَاسْتَغْفَرَ لَهُمُ الرَّسُولُ لَوَجَدُواْ اللَّهَ تَوَّابًا رَّحِيمًا
  • فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجًا مِّمَّا قَضَيْتَ وَيُسَلِّمُواْ تَسْلِيمًا
(سورة النساء)


بالله عليكم يا إخوة .. نقف نتدَّبر الآيات شوية ..
و نراجع نفسنا شويتين ..

إحنا بننصر دين ؟؟؟
ولا سياسة ؟؟؟

أنا مش عايز إجابة ..
إنت اللي محتاج الإجابة دي

__________________________________________________________________________





لله ثم للتاريخ : خطبة الجمعة للشيخ سمير مصطفى فرج قبل الاستفتاء بيوم


بين يدي الدستور - درس للشيخ سمير مصطفى فرج قبل الاستفتاء بأسبوع