معايير + أمانة - عواطف = اسم المرشح
لو فاكر معايا نصيحة كنا بنسمعها من المدرس "لما تجيلك المسألة وَضَّحْ خطوات الحل كويس ، عشان حتى لو مطلعش الناتج النهائي مظبوط ، تاخد درجة الخطوات ، و الأستاذ اللي بيصحح ورقتك يعرف إنك فاهم".
باختصار هقولَّكْ إحنا محتاجين
النصيحة دي اليومين دول ، و هتقَدَّرْ قيمتها جداً لما حد يسألك السؤال الرسمي "هتنتخب مين ؟"
طبعاً أنا متخيل نظرة الاستغراب على
وشك .. إيه اللي جاب القلعة جنب البحر ؟
أفهمك أنا يا سيدي .. القصة كلها
إنك يا إما واخد قرار نهائي مين سعيد الحظ اللي هيكون صوتك من نصيبه ، أو إنك -زي
حالاتي- لسه مش واخد قرار نهائي.
عشان كده لما لقيت حل يساعدني في (الترجيح) بين
السادة المرشحين الأفاضل ، حبيت أشاركك أفضل تَصَوُّرْ وصلتله عشان أريح ضميري ، يمكن يعجبك و تطبقه إنت كمان ، أو توضحلي أخطاء ممكن أكون وقعت فيها و أنا مش واخد بالي.
و الموضوع باختصار إن طريقة الاختيار بصفة عامة عاملة زي
المسألة ، عندك معطيات ، و معاك قانون بتعوض فيه ، يطلعلك على طول اسم المرشح
- المعطيات: هي المعلومات -الحقيقية- اللي تقدر توصلها عن كل مرشح ، و ما أكثرها ، بس الله يكرمك بلاش الثقة الزيادة في الإعلام ، حفاظاً على مرارة سيادتك.
- القانون: و ده بقى عبارة عن معايير الترجيح بين المرشحين ، و بما أن الامتحان
Open book
يبقى ممكن تستعين
مثلاً بمحاضرة د.راغب السرجاني ، أو فيديو د.سامح العطوي ، و الاتنين كانوا بعنوان
"كيف تختار رئيس الجمهورية؟" ، و تتفرج كمان على د.إيهاب فكري و حلقات (أول خطوة)
و بالتالي هتبقى اخترت أكثر واحد بيتوافق مع المعايير -القابلة للقياس- اللي تخليك مطمن إن ده أحسن اختيار بالنسبة لمعاييرك ، مش ناقص بس غير شوية ذمة ، يعني لو فلان اللي إنت مش طايق منه كلمة عنده ميزة بلاش تظلمه ، إديله حقه ، عشان متبقاش ظلمت حد ... يمكن يا سيدي بعد الحوار ده وجهة نظرك تختلف شويتين.
بص .. جرب و قوللي وصلت لإيه ، مش
عايز أعرف اسم المرشح ، بس عايز أعرف الطريقة دي شغالة ، ولا في الآخر هنرجع نختار فلان
أو علان لمجرد إني بحبه ...؟
فيديوهات ممكن تساعدك:
أول برنامج يشرح إزاى تختار مرشحك بطريقة علمية
سلسلة حلقات بعنوان اصحاب الكاريزما هي الموسم -
الاول من برنامج اول خطوة الذي يشرح فن الادارة .
.للحياة في تعاملاتنا اليومية
أول برنامج يشرح إزاى تختار مرشحك بطريقة علمية
سلسلة حلقات بعنوان اصحاب الكاريزما هي الموسم -
الاول من برنامج اول خطوة الذي يشرح فن الادارة .
.للحياة في تعاملاتنا اليومية
د / سامح العطوى - كبف تختار رئيس الجمهورية بشكل علمى ومنطقى بعيدا عن التحيز
قام الدكتور راغب السرجاني بإلقاء محاضرة في ساقية الصاوي يوم الأربعاء 11-5-2011 بعنوان كيف نختار رئيس الجمهورية، وقد وضع فضيلته عدة معايير لاختيار رئيس جمهورية مصر القادم، منها أن يكون غير راغب في الرئاسة.. فما هي باقي معايير اختيار رئيس جمهورية مصر القادم؟ وكيف نختار رئيس الجمهورية؟
No comments:
Post a Comment